ಬ್ರಾಡ್ ಬ್ಯಾಂಡ್ ಸೇವಾ ದರ ಇಳಿಸಿದ ಏರ್ ಟೆಲ್/Airtel Broadband Price war

ನವದೆಹಲಿ: ಬ್ರಾಡ್ ಬ್ಯಾಂಡ್ ಸೇವಾ ದರವನ್ನು ಇಳಿಸುವ ಮೂಲಕ ಭಾರತಿ ಏರ್ ಟೆಲ್ ಸಂಸ್ಥೆ ರಾಷ್ಟ್ರದ ಬ್ರಾಡ್ ಬ್ಯಾಂಡ್ ಕ್ಷೇತ್ರದಲ್ಲಿ ಬೆಲೆ ಸಮರಕ್ಕೆ ನಾಂದಿ ಹಾಡಿದೆ.

1 ಎಂಬಿಪಿಎಸ್ ಬ್ರೌಸಿಂಗ್ ವೇಗದ ಯೋಜನೆಗೆ ತಿಂಗಳಿಗೆ 1699 ರು.ಗಳನ್ನು ಚಂದಾದಾರರಿಂದ ತೆಗೆದುಕೊಳ್ಳುತ್ತಿದೆ. 512 ಎಂಬಿಪಿಎಸ್ ಗೆ 1099 ರು.ಗಳನ್ನು ಶುಲ್ಕ ವಿಧಿಸುತ್ತಿದೆ. ಉಚಿತ ಮೌಲ್ಯವರ್ಧಿತ ಸೇವೆ (VAS) ಪ್ಯಾಕೇಜಿಗೆ ಕೇವಲ 500 ರು. ಶುಲ್ಕ ವಿಧಿಸುವ ಯೋಚನೆಯನ್ನೂ ಭಾರತಿ ಏರ್ ಟೆಲ್ ಹೊಂದಿದೆ.

ಈ ದರ ಇಳಿಕೆ ಸುದ್ದಿ ಹೊರಬೀಳುತ್ತಿದ್ದಂತೆ ಭಾರತಿ ಸ್ಪರ್ಧಿಗಳಾದ ಮಹಾನಗರ ಟೆಲಿಫೋನ್ ನಿಗಮ ಲಿ.(ಎಮ್ ಟಿಎನ್ಎಲ್) ಮತ್ತು ಭಾರತ್ ಸಂಚಾರ ನಿಗಮ ಲಿ.(ಬಿಎಸ್ಎನ್ಎಲ್) ಸಂಸ್ಥೆಗಳು ಕೂಡ ಭಾರತಿಗಿಂತ ದರ ಇಳಿಸುವುದಾಗಿ ಹೇಳಿ ನೀಡಿವೆ.

ಈಕುರಿತು ಎಮ್ ಟಿಎನ್ಎಲ್ ತಾಂತ್ರಿಕ ನಿರ್ದೇಶಕ ಕುಲದೀಪ್ ಸಿಂಗ್ ಹೇಳಿಕೆ ನೀಡಿದ್ದು, ನಮ್ಮ ಸ್ಪರ್ಧಿಗಳು ಬೆಲೆ ಇಳಿಸಿದರೆ ನಾವೂ ದರ ಪರಿಶೀಲನೆ ಮಾಡಬೇಕಾಗುತ್ತದೆ ಎಂದಿದ್ದಾರೆ. ಬಿಎನ್ಎನ್ಎಲ್ ಸಂಸ್ಥೆ ಕೂಡ ಇದೇ ನಿಟ್ಟಿನಲ್ಲಿ ಚಿಂತಿಸುತ್ತಿದೆ.

ಒಟ್ಟಿನಲ್ಲಿ ವರಮಹಾಲಕ್ಷ್ಮಿ ಹಬ್ಬದ ದಿನ ಸಕ್ಕರೆ ಸೇರಿದಂತೆ ಅಕ್ಕಿ, ಬೇಳೆ, ಹೂವು, ಹಣ್ಣು, ತರಕಾರಿ ಬೆಲೆಗಳು ಆಕಾಶಮುಖಿಯಾಗಿದ್ದರೆ, ಬ್ರಾಡ್ ಬ್ಯಾಂಡ್ ಸೇವೆಗಳು ಇಳಿಮುಖವಾಗಿ ಗ್ರಾಹಕರಿಗೆ ಸಂತಸ ತರಲಿವೆ.



--

www.kasaragodvartha.com
  
the first local online news paper in Malayalam.

brings latest news in Malayalam & English || links our home land to the world.

::|:: the signature of Kasaragod ::|::