ಘರ್ಷಣೆ: ದುಬೈಯಲ್ಲಿ ಕಾಸರಗೋಡು ನಿವಾಸಿಗೆ ಇರಿತ

ಕಾಸರಗೋಡು: ಎರಡು ತಂಡಗಳ ಮಧ್ಯೆ ನಡೆದ ಘರ್ಷಣೆಯಲ್ಲಿ ಕಾಸರಗೋಡು ನಿವಾಸಿ ಇರಿತಕ್ಕೊಳಗಾದ ಘಟನೆ ದುಬೈಯಲ್ಲಿ ಬುಧವಾರ ನಡೆದಿದೆ.
ಕಾಸರಗೋಡಿನ ಪೊವ್ವಲ್ ನಿವಾಸಿ ಅಯೂಬ್ ಯಾನೆ ಅಬ್ದುಲ್ಲ ಮುಹಮ್ಮದಲಿ ಎಂಬಾತ ಹೊಟ್ಟೆಗೆ ಗಂಭೀರವಾಗಿ ಗಾಯಗೊಂಡು ದುಬೈಯ ರಾಶಿದ್ ಆಸ್ಪತ್ರೆಗೆ ದಾಖಲಾಗಿದ್ದಾನೆ.
ಪಾಕಿಸ್ಥಾನ ಮತ್ತು ಬಲೂಚಿಸ್ಥಾನದ ನಿವಾಸಿಗಳು ಇರಿದಿದ್ದಾರೆ ಎಂದು ತಿಳಿದುಬಂದಿದೆ. ಆರೋಪಿಗಳನ್ನು ಪೊಲೀಸರು ಬಂಧಿಸಿದ್ದಾರೆ.