ಚೆನ್ನಾಗಿ ಓದಿ, ಭಾರತವನ್ನು ಹಿಂದಿಕ್ಕಿ: ಒಬಾಮಾ ಉಪದೇಶ/Study well-Defeat India-OBAMA

'ಚೀನಾ ಮತ್ತು ಭಾರತದ ವಿದ್ಯಾರ್ಥಿಗಳು ದಾಪುಗಾಲಿಡುತ್ತಿದ್ದಾರೆ. ನೀವೂ ಕೂಡ ಪರಿಸ್ಥಿತಿ ಎದುರಿಸಲು ಸಿದ್ಧರಾಗಿ, ನಿಮ್ಮ ಮಕ್ಕಳ ವಿದ್ಯಾಭ್ಯಾಸದ ಕಡೆ ಗಮನಕೊಡಿ ಎಂದು ಅಮೆರಿಕದ ಅಧ್ಯಕ್ಷ ಬರಾಕ್ ಒಬಾಮಾ' ಅಮೆರಿಕದ ಪೋಷಕರಿಗೆ ಹೇಳಿದ ಹಿತನುಡಿ.

ತಾವು 21ನೇ ಶತಮಾನದಲ್ಲಿ ಚೀನಾ ಮತ್ತು ಭಾರತ ಜತೆ ಸ್ಪರ್ಧಿಸಲು ಅಮೆರಿಕಕ್ಕೆ ನೆರವಾಗುವಂತಹ ಶಿಕ್ಷಣ ವ್ಯವಸ್ಥೆಗೆ ಅಡಿಪಾಯ ಹಾಕುತ್ತಿರುವುದಾಗಿ ಒಬಾಮಾ ತಿಳಿಸಿದರು. ಚೀನಾ ಮತ್ತು ಭಾರತದ ಜತೆ ಶಿಕ್ಷಣದಲ್ಲಿ ಸ್ಪರ್ಧಿಸುವುದಕ್ಕೆ ಅವಕಾಶ ಕಲ್ಪಿಸುವ ಅಡಿಪಾಯ ನಿರ್ಮಾಣಕ್ಕೆ ಈಗಾಗಲೇ ನಾವು ಕೆಲವು ಕ್ರಮಗಳನ್ನು ಕೈಗೊಂಡಿರುವುದಾಗಿ 'ಅಮೆರಿಕ ಪದವಿ ಉಪಕ್ರಮ' ಪ್ರಕಟಿಸಿದ ವಾರನ್ ಮಿಚಿಗನ್‌ನಲ್ಲಿ ಜನರ ಗುಂಪಿನ ಹರ್ಷೋದ್ಗಾರದ ನಡುವೆ ತಿಳಿಸಿದರು.

ಶ್ವೇತಭವನಕ್ಕೆ ಪ್ರವೇಶಿಸಿದ ಕೂಡಲೇ ಮತ್ತು ಚುನಾವಣೆ ಪ್ರಚಾರದ ಸಂದರ್ಭದಲ್ಲಿ ಕೂಡ ಅಮೆರಿಕ ಪೋಷಕರಿಗೆ ಈ ಕುರಿತು ಒತ್ತಾಯಿಸಿದ್ದರು. ಆಡಳಿತಕ್ಕೆ ಕಾಲಿಡುವ ಸಂದರ್ಭದಲ್ಲಿ ಅಮೆರಿಕಕ್ಕೆ ಗುರಿಯೊಂದನ್ನು ಇರಿಸಿದ್ದಾಗಿ ಅವರು ತಿಳಿಸಿದರು. 2020ರೊಳಗೆ ಈ ರಾಷ್ಟ್ರದಲ್ಲಿ ಮತ್ತೊಮ್ಮೆ ವಿಶ್ವದಲ್ಲೇ ಕಾಲೇಜು ಪದವೀಧರರ ಅತ್ಯಧಿಕ ಪ್ರಮಾಣವಿರುತ್ತದೆ.

ನಾವು ಅದನ್ನು ಪುನಃ ಪಡೆಯುತ್ತೇವೆ ಎಂದು ಒಬಾಮಾ ಸಭಿಕರ ಕರತಾಡನದ ನಡುವೆ ಹೇಳಿದರು.ವಿಶ್ವದಲ್ಲೇ ಅತ್ಯಧಿಕ ಕಾಲೇಜು ಪದವೀಧರ ಪ್ರಮಾಣದ ಗುರಿಯನ್ನು ಮುಟ್ಟುವ ಉದ್ದೇಶ ಹೊಂದಿರುವ ಅಮೆರಿಕ ಪದವೀಧರ ಉಪಕ್ರಮವನ್ನು ಪ್ರಕಟಿಸಿದ ಅವರು, ಮುಂದಿನ 10 ವರ್ಷಗಳಲ್ಲಿ ನಾವು ಅದನ್ನು ಸಾಧಿಸುತ್ತೇವೆಂದು ಹೇಳಿದರು.