ಮುಂಬೈ, ಜು. 10 : ಕ್ರಿಕೆಟ್ ಆಟಗಾರರಾಗಿ ಅಂತಾರಾಷ್ಟ್ರೀಯ ಮಟ್ಟದಲ್ಲಿ ಅನೇಕ ಮೈಲಿಗಲ್ಲು ಸಾಧಕ ಸುನೀಲ್ ಗವಾಸ್ಕರ್ ಅವರು ಇಂದು 60 ನೇ ವಸಂತಕ್ಕೆ ಕಾಲಿಟ್ಟರು. ಆಟಗಾರನಾಗಿ, ನಾಯಕನಾಗಿ, ತಾಂತ್ರಿಕ ಸಮಿತಿ ಮುಖ್ಯಸ್ಥರಾಗಿ ಸದಾ ಕ್ರಿಕೆಟ್ ಜೊತೆಗೆ ನಂಟು ಹೊಂದಿರುವ ಲಿಟಲ್ ಮಾಸ್ಟರ್ ಜೀವನದ ಹಾದಿಯಲ್ಲಿ ಮಹತ್ವದ ಮೈಲಿಗಲ್ಲು ತಲುಪಿದ್ದಾರೆ. ಈ ಸಂದರ್ಭದಲ್ಲಿ ಅನೇಕ ಹಾಲಿ, ಮಾಜಿ ಕ್ರಿಕೆಟಿಗರು ಅವರ ಸಾಧನೆಯನ್ನು ಕೊಂಡಾಡಿ ಶುಭಾಶಯ ಕೋರಿದ್ದಾರೆ.
ಟೆಸ್ಟ್ ಕ್ರಿಕೆಟ್ ನಲ್ಲಿ 10 ಸಾವಿರ ರನ್ ಗಳಿಸಿದ ಮೊಟ್ಟ ಮೊದಲ ಬ್ಯಾಟ್ಸ್ ಮನ್ ಎನ್ನುವ ಹೆಗ್ಗಳಿಕೆ ಹೊಂದಿರುವ ಸನ್ನಿ ಆಟದ ಶೈಲಿ ಹಾಗೂ ಸರ್ ಡಾನ್ ಬ್ರಾಡ್ ಮನ್ ಅವರ 29 ಶತಕಗಳ ದಾಖಲೆಗಳನ್ನು ಅಳಿಸಿ ಹಾಕಿದ ಹಿರಿಮೆಯನ್ನು ಅವರು ಸ್ಮರಿಸಿದರು. ಗವಾಸ್ಕರ್ ಕ್ರಿಕೆಟ್ ಗೆ ನೀಡಿದ ಕೊಡುಗೆ ಅಪಾರ. ವಿಶ್ವದ ಪ್ರಭಾವಿ ವೇಗದ ಬೌಲರ್ ಗಳ ಎದುರು ಬಂಡೆಯಂತೆ ನಿಂತ ಛಲವುಳ್ಳ ಬ್ಯಾಟ್ಸ್ ಮನ್ ಎಂದು ಜಿ ಆರ್ ವಿಶ್ವನಾಥ್ ತಿಳಿಸಿದ್ದಾರೆ.
No comments:
Post a Comment