7 ಕ್ಷಿಪಣಿಗಳನ್ನು ಪ್ರಯೋಗಿಸಿದ ಉತ್ತರ ಕೊರಿಯ/Korea Missile Test

ಸೋಲ್: ಉತ್ತರ ಕೊರಿಯ ಪೂರ್ವ ತೀರದಲ್ಲಿ ಶನಿವಾರ 7 ಖಂಡಾಂತರ ಕ್ಷಿಪಣಿಗಳನ್ನು ಪ್ರಯೋಗಿಸಿದೆಯೆಂದು ದಕ್ಷಿಣ ಕೊರಿಯ ತಿಳಿಸಿದ್ದು, ವಿಶ್ವಸಂಸ್ಥೆ ನಿರ್ಣಯಗಳ ಉಲ್ಲಂಘನೆ ಮತ್ತು ಅಮೆರಿಕದ ಸ್ವಾತಂತ್ರ್ಯ ದಿನಕ್ಕೆ ಪ್ರತಿಭಟನೆ ಎನ್ನುವ ಸಂದೇಶವನ್ನು ಉ.ಕೊರಿಯ ರವಾನಿಸಿದ್ದಾಗಿ ತಿಳಿಸಿದೆ.ಉತ್ತರ ಕೊರಿಯ ನಾಲ್ಕು ಸಮೀಪ ವ್ಯಾಪ್ತಿಯ ಕ್ಷಿಪಣಿಗಳನ್ನು ಪ್ರಯೋಗಿಸಿದ 2 ದಿನಗಳಲ್ಲೇ ಈ ಉಡಾವಣೆಗಳು ನಡೆದಿದ್ದು, ವಲಯದಲ್ಲಿ ಉದ್ವಿಗ್ನತೆ ಮತ್ತಷ್ಟು ಹೆಚ್ಚುವ ಸಂಭವವಿದೆ. ಮ‌ೂರು ಕ್ಷಿಪಣಿಗಳನ್ನು ನಸುಕಿನಲ್ಲಿ ಹಾರಿಸಲಾಗಿದ್ದು, ನಾಲ್ಕನೆಯದನ್ನು 12 ಗಂಟೆಗೆ ಮತ್ತು ಮಧ್ಯಾಹ್ನ ಇನ್ನೂ 3 ಕ್ಷಿಪಣಿಗಳನ್ನು ಹಾರಿಸಲಾಗಿದೆ.ಕ್ಷಿಪಣಿಗಳು ಖಂಡಾಂತರವಾಗಿದ್ದು, 250 ಮೈಲುಗಳಿಗಿಂತ ಹೆಚ್ಚು ದೂರ ಹಾರಿದೆಯೆಂದು ರಕ್ಷಣಾ ಸಚಿವಾಲಯ ತಿಳಿಸಿದೆ. ಉತ್ತರಕೊರಿಯದ ಯಾವುದೇ ಬೆದರಿಕೆ ಎದುರಿಸಲು ನಮ್ಮ ಮಿಲಿಟರಿಯು ಸಂಪೂರ್ಣ ಸಿದ್ಧವಾಗಿದೆಯೆಂದು ಜಂಟಿ ಸಿಬ್ಬಂದಿ ಮುಖ್ಯಸ್ಥರು ಹೇಳಿದ್ದಾರೆ.